ನನ್ನ ಪಯಣ ಗಾಂಧಿ ಹುಟ್ಟಿದ ನಾಡು ಗುಜರಾತ್ ನ ಕಡೆ ತಿರುಗಿತ್ತು . ಕೆಲಸದಿಂದ ಒಂದು Break ಬೇಕಿತ್ತು . Incredible ಇಂಡಿಯಾದಲ್ಲೊಂದು memorable journey ಮಾಡುವ ಆಸೆ ಇತ್ತು. ಸ್ನೇಹಿತರ ಜೊತೆ ಹೊರಟಿದ್ದೆ . 10 ದಿನಗಳ ಪಯಣ. ಹೊರಟಾಗ ಎಲ್ಲರೂ ತಮಾಷೆ ಮಾಡಿದ್ದರು ನರೇಂದ್ರ ಮೋದಿಯನ್ನು ಭೇಟಿಯಾಗಲು ಹೊರಟಿದ್ಯ ಅಂತ. ಆದರೆ ನನಗೆ ಗುಜರಾತ್ನಲ್ಲಿ ಗಾಂಧಿಯ ಮನೆ , ಆಶ್ರಮ , ಸೋಮನಾಥನ ದರ್ಶನ , ಜ್ಯೋತಿರ್ಲಿಂಗಗಳ ದರ್ಶನ , ದ್ವಾರಕೆಯ ಕೃಷ್ಣನ ಭೇಟಿ , Diu ನ Beach ಗಳ ಕಡೆ ಒಂದು ನೋಟ , Jamnagarದ ಸಮುದ್ರ ನಡಿಗೆ, Baroda ದ Museum ಹಾಗೂ ಅರಮನೆಯ ಒಂದು ಪಕ್ಷಿ ನೋಟ , ಚಂಪಾನಗರಿಯ ಪುರಾತನ Architecure ಪರಿಚಯ , ಹೀಗೆ ಎಲ್ಲವನ್ನೂ ನೋಡುವ ಯೋಚನೆ ಇತ್ತು . ಅಹಮದಾಬಾದ್ ನಿಂದ start ಮಾಡಿ , ಗುಜರಾತನ್ನು ಸುತ್ತಿ ಮತ್ತೆ ಅಹಮದಾಬಾದ್ ಗೆ ಮರಳಿ ಅಲ್ಲಿಂದ ಬೆಂಗಳೂರನ್ನು ತಲುಪುವ ಪ್ಲಾನ್ ಇತ್ತು. ಎಲ್ಲ ಪ್ಲಾನ್ ಪ್ರಕಾರ ನಡೆದಿತ್ತು .
Colours of Gujarat :
ಗುಜರಾತ್ ಒಂದು ಅಧ್ಬುತ ನಗರಿ. ಸಾಕಷ್ಟು ಮಹಾನುಭಾವರನ್ನು ಕಂಡ ನಾಡು. ಗಾಂಧಿ ಹುಟ್ಟಿದ ನಾಡು ಗುಜರಾತ್ . ಉಕ್ಕಿನ ಮನುಷ್ಯ ಸರ್ದಾರ್ ವಲ್ಲಭಾಯಿ ಪಟೇಲ್ , ವಿಪ್ರೊ ಚೀಫ್ ಅಜೀಂ ಪ್ರೇಮಜಿ ಹೀಗೆ ಸಾಕಷ್ಟು ಜನರನ್ನು ಬೆಳೆಸಿದ ನಗರಿ . ಭಾರತದಲ್ಲೇ ಪ್ರಸಿದ್ದಿಯಾದ ಗೀರ್ ಅರಣ್ಯ ಇಲ್ಲಿದೆ . ಫುಣ್ಯಸ್ಥಳಗಳಾದ ಸೋಮನಾಥ , ದ್ವಾರಕೆಯ ಮಂದಿರಗಳು ಇಲ್ಲಿವೆ . 12 ಜ್ಯೋತಿರ್ಲಿಂಗಗಳ ಪೈಕಿ , 2 ಜ್ಯೋತಿರ್ಲಿಂಗ ಗುಜರಾತಿನಲ್ಲಿದೆ. ಆಗಿನ ಕಾಲದ ಗಾಯಕವಾಡ್ ಮನೆತನದ ಸಯ್ಯಾಜಿ ರಾವ್ ಗಾಯಕವಾಡ್ ಅವರ ಕಾಲದಲ್ಲಿ ಕಟ್ಟಿಸಿದ ಲಕ್ಷ್ಮಿ ವಿಲಾಸ್ ಪ್ಯಾಲೇಸ್ ಈಗಲೂ ನೋಡಲು ಮನಮೋಹಕವಾಗಿದೆ .ಹೀಗೆ ಹಲವು ವಿಶೇಷತೆಗಳನ್ನೊಳಗೊಂಡ ಗುಜರಾತ್ ನ ಇನ್ನೊಂದು ವಿಶೇಷ ಎಂದರೆ ಕುಡಿತ ಇಲ್ಲಿ ಸಂಪೂರ್ಣ ನಿಶಿದ್ದ .
ಇಲ್ಲಿನ ಜನ ಸಿಹಿಪ್ರಿಯರು . ಹಾಲಿನ ಉತ್ಪನ್ನಗಳಿಂದ ಮಾಡಿದ ಸಿಹಿತಿಂಡಿಗಳು ಇಲ್ಲಿ ಹೇರಳ . ಧೋಕ್ಲಾಸ್, ಸೇವ್ ಉಸಲ್ , ಘಾಟಿಯ , ಪಾವ್ ಭಾಜಿ, ಪೋಹ ಇಲ್ಲಿನ ವಿಶೇಷವಾದ ತಿಂಡಿಗಳು . Havmore ಐಸ್ಕ್ರೀಂ ಗುಜರಾತ್ ನ local brand ಐಸ್ಕ್ರೀಂ . ಇನ್ನು ಊಟಕ್ಕೆ ಗುಜರಾತ್ ತಾಲಿ famous. ಬಿಸಿ ಬಿಸಿ ಜಿಲೇಬಿ ಬಾಯಲ್ಲಿ ನೀರೂರಿಸುತ್ತೆ . ತರಾವರಿ sweets ಗಳು . ಹೀಗೆ ಬಗೆ ಬಗೆ ತಿನಿಸುಗಳನ್ನು ಗುಜಾರತ್ ನಲ್ಲಿ ಇರುವಷ್ಟು ದಿನ try ಮಾಡಿದ್ವಿ .
ಅರೇಬಿಯನ್ sea, ಸಾಕಷ್ಟು ಬೀಚ್ಗಳು , ನದಿಗಳು ಇಲ್ಲಿ ಕಾಣಸಿಗುತ್ತವೆ . ಹಾಗಾಗಿ ಇಲ್ಲಿ ಶಂಕ ಹಾಗು ಕಪ್ಪೆ ಚಿಪ್ಪುಗಳನ್ನು ಹೇರಳವಾಗಿ ನೋಡಬಹುದು .ಅದರಿಂದ ಮಾಡಿದ ಅಲಂಕಾರಿಕ ವಸ್ತುಗಳು ಅಪಾರ , ನೋಡಲು ಕಣ್ಣಿಗೆ ಆನಂದ .
ಇಲ್ಲಿನ ಜನರು ತುಂಬಾ ಸ್ನೇಹಜೀವಿಗಳು . ಅವರ ಉಡಿಗೆ ತೊಡಿಗೆ ನಮಗಿಂತ ಭಿನ್ನ . ಗಂಡಸರು frock ಟೈಪ್ ತರ ಇರುವಂಥ ಬಿಳಿಯ ನಿಲುವಂಗಿಯನ್ನು ಹಾಕಿರುತ್ತಾರೆ, ಅದರ ಜೊತೆ ಕಚ್ಚೆ ಪಂಚೆ . ಇನ್ನು ಹೆಂಗಸರು ಬಲಬದಿಗೆ ಸೆರಗು , ತಲೆಯ ಮೇಲೆ ಸೆರಗಿನ ಹೊದಿಕೆ .
ಗುಜರಾತ್, ಪ್ರಾಣಿ, ಪಕ್ಷಿಗಳ ಬೀಡು ಅಂತ ಹೇಳಬಹುದು . ಸಾಕಷ್ಟು ತರಹದ ವಿಧ ವಿಧ ಪಕ್ಷಿಗಳು ಇಲ್ಲಿ ಕಾಣಸಿಗುತ್ತವೆ .
ಇಲ್ಲಿಗೆ ಗುಜರಾತ್ ನ ಒಂದು ಕಿರು ಪರಿಚಯ ಮುಗಿಯಿತು.ಇಲ್ಲಿಂದ ಮುಂದೆ ಒಂದೊಂದೇ ಊರುಗಳ ವಿಶೇಷತೆಗಳೊಂದಿಗೆ ನಿಮ್ಮ ಮುಂದೆ ಬರುತ್ತೇನೆ.
No comments:
Post a Comment